Zara Suniye

Masoom sa bachpan ka vo mizaaz to ho
Anjaam se be-parwaah koi aaghaaz to ho

Sannaton se ghabraane laga hai yeh dil
Is khamoshi mein kahi koi aawaaz to ho

Gairon ki hhum bhi na kiya karte parwaah
Kam-se-kam apno ko humpe naaz to ho

Jazbe tadap rahe hai be-shumaar dil mein
Baantne waala koi dilkash humraaz to ho

Alfaazon se hai ik atoot rishta ‘deep’ ka
In mein rooh bharne waala koi saaz to ho