Zara Suniye

Kis se kahe haal-e-dil, kisko zakhm dikhaaye hum
Kab talak parchaiyon sang yuuN aansoo bahaaye hum

Gamh khudaaya tere diye ya apni galtiyo ke nateeze
Kab talak dil apne se yehi sawaal pooche jaaye hum

Dard hadd se guzra to bani ik mai hi sahara hamara
Kab talak is kadwahat se majburan nain rulaaye hum

Aaghaaz-e-mohabbat ka hai anjaam intehaa-e-tanhaii
Kab talak khud se roothe aur khud ko hi manaaye hum

Khot apni hi nazar ke parakhne mein to nahi ‘deep’
Har shaks se dokha mile jise palko pe bithaaye hum