Zara Suniye

Beete lamhoN ne hastii hamaari kishtoN mein yuuN mitaayi hai
Khudaaya teri duniya mein kaneez khud ko hi gawaa aayi hai

Kabhi hasratoN ke rang se taraasha tha ik haseen jism tune
Bani har saans ab dhokha kisi ka, har ang kisi ki ruswaii hai

Dhoondte phir rahe hai har shay mein apni tasveer khoyi si
Na aaine na jaam na samundar mein jiski koi parchaayi hai

YuuN nahi ke dil ki tadapti aaheN lalkaarti nahi ab ashkoN ko
Vo nazar kare to kya kare beh beh kar aakhir pathraayi hai

Us pyaas-e-khushi ki intehaa ko sajdaa qabool ho hamaara
Tassavur se hi bhujne lagi haqiqat ne is hadd tak tarsaayi hai

Bhari bazm mein tanhaii ke kisse to sune hai asshiqo se ‘deep’
Hone laga mehfil ka bharam jis mein kaisi bereham tanhaii hai